兩餸一湯白飯任裝

今天放工趕不到班車，所以遲了一點去到街市，走下走下咁（上斜下斜，來來回回）先買齊所要的餸菜。回到家都已經七時並且身水身汗。不過都算快手，八時半左右便有兩餸一湯白飯任裝。

磨豉醬排骨炒白豆，做法：

1. 用磨豉醬、糖、紹興酒醃洗淨的排骨；
2. 白豆切頭尾後切條待用；
3. 先用少許鹽炒白豆至半熟，然後上碟；
4. 再炒排骨至轉色，加入白豆炒至腍（加入水焗下佢會快腍Ｄ）；
5. 最後以少許磨豉醬加豆粉搞好埋獻。
   

腐乳炆雞翼，同上次的做法不同，想試下那一個好味。今次心急得滯，Ｄ雞翼僅僅熟。

冬瓜東風螺鹹蛋豬肉秀珍菇夜香花湯，這個湯學媽咪上次整的來做，當然無佢用咁多料啦。這是一個清熱的湯，最適合我和志聰咁火熱的人飲。不過奶奶就唔多受得，下次整D奧運餐俾奶奶吃先得，她要吃得比較清淡，我今次都有去魚檔看過，正如我所講，晚了去街市就沒有什麼好野買了。