Back to Sydney

美極了！

好早就起了床，準備行裝回悉尼, 我們都係坐巴士去機場，去到機場未入閘，以為入閘之後沒有什麼可逛的，所以在閘外的coffee shop 買咗個muffin和咖啡坐，因為時間早，坐下坐下睡著了！悶悶地，於是叫老公不如入閘等吧，一入閘，哦！很多店舖，為什麼不早些入閘呢！？遊逛一陣，就上飛機回悉尼。

去到悉尼今次要自己找車去酒店，發現都幾難找到 地鐵，原來這是私營的，怪不得機場沒有太明顯的指示，同埋車費都不平宜，難怪朋友經常叫我們call Uber 就最化算。我哋都係住番之前間 apartment，由於未夠時間check-in，於是我們出去打算吃少少東西，誰知道過咗午膳時間好多店子都閂門！係到返工真好，休息時間超多！只有泰式店舖沒有閂，老公又不是很喜歡吃泰式，但在沒有選擇下去食了碗豬手麵，嘩！好味到呢！都話聽我講冇錯啦。

吃過麵後就回酒店check-in 收拾，約朋友食晚餐。時間尚早，帶老公行下Darling Harbour，我們都好享受散步的樂趣，經過一個類似Melbourne Victoria Market 的市場。沒有多行，因為要買的手信也買到了，所以就心無雜念，一直向Darling Harbour 進發，然後就行去 The Rock 個邊吃晚餐，其實都幾遠。

唔講咁多， Pancake on the Rock! Open 24 hours.

朋友話每次嚟都食唔到最終目的 - Pancake，當侍應問我們主食和班㦸是否分開上時，我話一齊。朋友就說：「係啦，次次食完主餐，就已經飽，食唔落班㦸，你真聰明。」我話：「我們來的目的，就是食班㦸，點可以最後食。」😄我們叫了兩款，一個朱古力，一個原味加香蕉。我們都覺得原味最可口，朱古力班㦸比較似蛋糕，質感不同。晚餐過後，走出去看一看歌劇院，啊，有顏色呢！朋友也說好奇怪，估計係準備五月的表演。